對住個海嘆日本餐

[Mar 2024🇯🇵 #Fukutsu] 福岡市近郊遊 - 「福津」。由博多站搭JR鹿兒島線去福間站只需要30-40分鐘。我當日嘅行程大多數都係行路同埋搭巴士。離開福間站後我第一個行程就係去「鮨屋台 海の彩（うみのいろ）」食午餐。 由福間站步行大約30分鐘(當日天氣好好所以我唔介意行路)就到達呢間有靚海景嘅餐廳。「鮨屋台 海の彩」係一間沙灘上嘅日式餐廳，店內大約有20個全吧檯座位，每一個位都會望到海景，呢個feel實在不得之了！ 我喺冇訂枱嘅情況下諗住walk-in博彩數。見到店員拎張訂枱名單出嚟睇，我以為自己可以走啦，點知店員話OK. 被安排嘅座位唔係中間最正嗰個view，有得食我已經好滿意😋如果想去真係要訂枱呀！ 估唔到一間幾隱蔽嘅日本餐廳會有英文餐牌提供。客人可以選擇散叫套餐或散叫，選擇都幾多。 ▫️ 海の彩コース (JPY6,300) - 價錢唔算係最貴嗰set。有前菜、茶碗蒸、5款刺身、燒鮑魚、燒魚、8件壽司、麵豉湯。咁多款食物逐樣上，先上前菜、茶碗蒸、刺身、燒鮑魚。燒鮑魚店員即場喺我面前燒，係需要啲時間嘅。壽司就比較後先上，因為師傅喺你面前逐件整嘅🤣印象最心刻嘅應該係生鮑魚壽司。件壽司送到我面前嘅時候仲係活生生嘅。師傅於唧檸檬汁前問我使唔使影相😂整體用餐體驗唔錯呢，對住個海食日本餐對我嚟講真係第一次😜 📍鮨屋台 海の彩（うみのいろ） 〒811-3219　 福岡県福津市西福間4丁目 10-10 #日本好去處#旅行美食#旅遊行程#福津#日本菜#海景